Latgolys symtgadis kongresa eiszinis - kongresa programma

07.04.2017.

Nu šudiņdīnys ir pieejama Latgolys symtgadis kongresa programa Rēzeknis Tehnologeju akademejis (RTA) sātys lopā www.rta.lv pi nūtykumu. Programa pasaruodeis ari Latgalīšu kulturys bīdreibys Facebook lopā i cytur.

Svareigi, ka RTA sātys lopā byus skaitomys ari referentu tezis. Tys zeimoj, ka tī, kas vēļ nav registrejušīs kongresam, puorskaitūt tezis, var veiduot sovus vaicuojumus kai referentim, tai planavuotajom diskusejom.

Atguodynojumam iz kongresu ir pīteikti 75 prīšklasejumi, nu tim 6 tiks prezentāti plenārsēdē 5. majā, 57 pīduovuoti klauseituoju viereibai sekcejuos i 12 skotami kai stenda referati. Tūs prezentēs gondreiž 100 (96) pietnīki, sovu jūmu praktiki i eksperti.

Lai ari kongresa runuotuoju vydā nav daudz puorstuovu nu uorzemem, tok Juoņs Dimants (Andryva Jūrdža fonds) atguodynuos par latgalīšu diasporu rītumūs, bet Anna Dvoreckaja i Romans Bondars stuosteis par Sibira latgalīšim. Sibira latgalīšu tematiku atkluos ari Aigars Lielbārdis, kas pīduovoj kongresa daleibnīkim ari vareibu byut izstuodis Cyts Sibirs: latvīšu cīmi Lejis Bulanā, Timofejevkā i Suhonojā atkluošonā 6. majā.

Jūprūjom ir vareiba uzdūt sovu vaicuojumu diskusejai, pīsaregistrejūt kai klauseituojs, i jūprūjom var pīsateikt kaidā diskusejā kai eksperts.

KONGRESA DARBA KĀRTĪBA_latviešu_valodā.docx

KONGRESA DARBA KĀRTĪBA_latgaliski.docx

×

Dalīties

×

Lejupielādēt pasākumu sarakstu