Latgolys symtgadis kongresa eiszinis - 56 dīnys da kongresam. KONKURSS!
09.03.2017.Latgolys symtgadis kongresa ūtrajā dīnā kotrā nu sekcejom ir plānuota plašuoka diskuseja, kurā vareiba pīsadaleit sevkuram konferencis dalinīkam. Itamā šaļtī ir zynomys diskuseju temys, bet vairuoki moderatori, kai ari diskusejis problemvaicuojumi vēļ teik saskaņuoti. Partū aicynojam īsasaisteit kongresa plānuošonā i pīduovuot sovu redziejumu par diskutejamajim problemvaicuojumim nūsauktūs temu ītvorūs:
- Latgolys regiona ekonomikys i uzjiemiejdarbeibys atteisteibys īspiejis
Problemvaicuojumi: Kaidi ir bremzejūšī faktori dreizuokai Latgolys regiona izaugsmei i uzjiemiejdarbeibys atteisteibai?
Kaidi regiona atbolsta instrumenti byutu vajadzeigi, kab nūdrūšynuotu mierķorientātu vaļsts atbolstu Latgolai ilgtermiņā?
Kū pošvaļdeibys i vaļsts puorvaļdis var dareit, kab efektivuok sasadorbuot ar uzjiemiejim, mazynojūt administrativū slūgu?
- Latgaliskais komponents vuiceibu literaturā i muokslys nūzoru viesturiskūs puorskota izdavumūs
Problemvaicuojumi: Kai panuokt, ka latgaliskais komponents ir īkļauts vuiceibu programuos i gruomotuos?
- Atjaunuojamī resursi, alternativūs energeju veidi Latgolys atteisteibā
- Latgalīšu volūdys, nūvodvuiceibys vaicuojums izgleiteibys politikā
Problemvaicuojumi: Kai panuokt, ka vaļsts mārūgā pīvierš uzmaneibu nūvodvuiceibys svareigumam patriotyskuos audzynuošonys i spieceigys teritorialuos, nacionaluos ideņtitatis veiduošonā?
Cik lels mierķdotacejis apjūms ir vajadzeigs kotru godu, kab nūdrūšynuotu nūvodvuiceibys īvīsšonu Latgolys regiona školuos?
- Latgola kai ES uorejais rūbežs – drūšeibys vaicuojumi
- Latgalīšu volūdys politika muzeju i plašsazinis leidzekļu darbeibā
Problemvaicuojumi: Kai panuokt, ka Latgolys muzejūs, taipoš kai Latgolys kūpejā lingvistiskajā ainovā vaira pasaruoda latgalīšu volūdys lītuojums?
Īrūsmei atseviški problemvaicuojumi jau ir dūti, bet tim, kas īsyuteis sovu redzīni, Latgalīšu kulturys bīdreiba duovynuos izdavumu par Fraņci Kempu – S. Ūdre, J. Ryučāns “Aizlauztais spaits”.
Veidojam kongresa programu i meklejam rysynuojumus Latgolys problemom kūpā!
Gaidom problemvaicuojumus da 20. martam iz adresi: Lūdzu, ieslēdziet Javascriptu, lai redzētu e-pasta adresi!